Mercato Hyper Market

Mohammed MOSTAFA

مركاتو ده بجد سوبر ماركت او بحق هايبر ماركت اكتر من رائع منظم ونظيف ومريح جدا وبيعمل عروض حقيقيه بجد انا مبحبش التسوق ومبروحش مع المدام للشرا الا فى مركاتو لانه فى بتلاقى كل حاجه واسعاره معقوله جدا والبضائع اى كان نوعها سواء الاجهزه الكهربائيه او السلع الغذائيه والملابس والأحذيه والمنتجات الورقيه والمنظفات كله جميل. وكمان بيتميز بوجود قسم الحلويات والاطعمه الساخنه ولما بنكون انا والمدام والاولاد فى شارع عباس العقاد بنفضل ان احنا نروح نشترى وجبه ساخنه وبنكون مطمنين من ناحية النظافه والجوده والطعم كمان بيبقى على اعلى مستوى والاسعار حلوه جدا جدا والأسره كلها بتاكل وجبه حلوه وبطعم بيتى متميز وبربع او نصف السعر اللى ممكن اسرتنا تاكل بيه فى اى مطعم بره. ونفسى قوى يكون له فروع تانيه كتير ومن فتره عرفت انه فتح عندنا فى التجمع وفرحت جدا لكن يا فرحه ماتمت عرفت لما روحت انه المحمل وبس واخد اسم مركاتو وعباره عن فرع من فروع المحمل تحت اسم مركاتو ونفسى جدا الاقى البرموشن بتاعه على النت فى موقع عروض نت هو موجود لكن بيبقى مش موجود الا بعد فتره يعنى برموشن شهر اغسطس بيبقى موجود فى سبتمبر وهكذا مش مضبوط مع توقيت العرض فده بيخلينا منعرفش العروض الا لما نروح واحنا فى التجمع ومن الصعب اننا ننزل لمدينة نصر مخصوص فى الزحمه واحنا منعرفش العرض ايه لكن لو العرض موجود زى باقى الهايبر ماركت كارفور ومترو والمحمل وسعودى وغيرها ممكن ننزل طبعا ارجو من الاداره مراعاة ذلك لان محبى مركاتو كتير قوى في التجمع وبالذات ان كتير منهم بيحتاج اجهزه كهربائيه للشقق الجديده بتاعتهم. انا بصراحه مجرب اسعاره وعروضه الحقيقيه اشتريت حاجات كتير منه باسعار حلوة قوى ذى المكنسه والمروحه والميكروويف وحاجات منزليه تحفه واسعارها جنان زى اطقم الاركوبال والكاسات والصينى وحاجات كتير كلها حلوه وبتعيش.

Marianne Fakhry

هايبر رائع وعروض ممتازة وصادقة انا تقريبا جهزت منة كل حاجة ضمان سارى وانا جربت دة فى حاجتين" مكواة الشعر والخلاط" والاثنين رجعوا فى نفس الاسبوع الصراحة لا غبار علية اتمنى له التقدم والازدهار حتى ملابس الاطفال ارخص من برة ومتوفرة "خصوصا السن الصعب" عروض مستلزمات البيت جبارة ومبفوتش عدد من العروض رجاء بسيط: ممكن تكتروا مساحة التوزيع بتاعة المجلة يعنى مصر الجديدة ووسط البلد مش بتجيلها المجلة انا بنط فى الهايبر عشان الحق اخذ واحدة من كتر مالناس بتجرى تاخدها الصراحة هايبر رائع بجميع الاحوال ويارييت نشوف فروع كتيرة منة فى القاهرة والاسكندرية نسيت اقول اهم حاجة معاملة الكاشيير رائعة وهادى غير اى هايبر تانى كفاية ابتسامتهم ليك فعلا رائع.