Modern Academy In Maadi

Ahmed Abdel Tawab

انا درست فى مودرن اكاديمى 5 سنوات قسم علوم الكمبيوتر من سنة 2000 الى سنة 2005، يمكن فى الفترة دى ماكنتش مشهورة زى دلوقتى لكن كانت من اقوى الجامعات الخاصة. الحقيقة انا اتعلمت هناك كتير وحسيت بفرق كبير بينها و بين الجامعات الحكومية، لانى اصلا محول اليها من جامعة حكومية يعنى حسيت بالفرق فى الاهتمام و المعاملة المتميزة جدا، كمان الدكاترة والمعيدين كانوا على درجة عالية جدا من الكفاءة و بعدين فيها ميزة حلوة اوى و هى ان على الرغم من انى كنت قسم كمبيوتر لكنى كمان كنت بدرس مواد تانية زى الاقتصاد و المحاسبة و حاجات تانية كتيرة برة التخصص بتاعى. كمان الاكاديمية بتشجع المتفوقين بعمل خصومات على المصاريف للاوائل، و ده شئ مهم جدا لبث روح الاجتهاد فى الدراسة وطبعا ده شئ يأتى فى المصلحة العامة و السمعة للمكان. انا هناك مش كنت باتعلم كورسات و بس لكن كنت باتعم ازاى افكر صح ودى افادتنى كتير جدا بعد كدة فى مجال العمل و فى حياتى عموما.