Orange DSL

Eman Mokabel

شركة لينك دوت نت تعتبر من شركات الانترنت الرائدة فى مصر، وهى كأى شركة لها مميزات ولها عيوب، وعلى سبيل المثال مميزاتها انها بها خدمة عملاء على اعلى مستوى من الكفاءة وسرعة الاستجابة سواء بمكاتب خدمتها المنتشرة فى كل محافظات مصر او عن طريق التليفون، ولكن من عيوبها ان سرعة التحميل والتنزيل بها غير ثابتة كل الوقت وبطيئة فى اوقات اخرى وكذلك من الممكن ان تتقطع او تتوقف فى اثناء التحميل او التنزيل فى اوقات ذروة الاستخدام من مستخدمى الانترنت على شبكاتها ولكن هذا لا يمنع انها على المستوى العام شركة جيده .

محمد خميس

لينك دوت نت يعنى الانترنت فعلا فهذه الشركة متميزة فى خدمة dsl مع الانتظام فى الخدمة وعدم تأثرها بالظروف المختلفة وهى تقدم عروض هائلة متمثلة فى اهداء راوتر ويرلس وشهور مجانية او تخفيضات فى الاشتراك الشهرى ومضاعفة السرعة لعملاءها بالاضافة الى السرعة الكبيرة فى الداونلود الذى يزيد كثيرا عن الشركات الاخرى المدعمة للخدمة ايضا وحسن اداء خدمة العملاء خلال اليوم والاسلوب الراقى الاحترافى الذى يتعاملوا به مع العملاء لكى يمكنهم من تذليل اى عقبات قد تواحه العملاء فى الدخول على شبكة الانترنت وانا استخدم هذه الشبكة دون مشاكل منذ اكثر من عام

Mohamed Rezq

انا بصراحه مش مشترك في شركة لينك لاني عامل وصله في شركة تانيه بس كنت بروح مع صاحبي اللي مشترك في لينك ادفع معاه الفاتوره بشوف النظام المحترم في الفرع اللي في شارع مصدق والشكل الجميل والكراسي المريحه للانتظار والاهم انك بتنتظر في دور رقمي بتاخده اول ما تدخل الشركه عشان متقفش في طابور خالص وده زي نظام البنوك المتقدمه وبالنسبه لطريقة الدفع ممكن يبعتولك مندوب في البيت عشان يحصل الفلوس وبزياده 10 جنيه والجميل انهم ممكن يسيبولك فترة سماح كبيره لو اتاخرت في الدفع قبل ما يقطعوا النت بس في عندهم شوية ملاحظات عندهم خصوصا ان السيرفر ممكن يقع كتير

Hany Afify

انا بقالى فترة كبيرة مشترك فى النت تقريبا سبع سنوات واشتركت فى شركات كتير وحاليا انا مشترك مع شركة لينك دوت نت هى شركة كويسة والنت فيها شغال كويس ده غير العروض اللى الشركة بتنزلها زى مثلا ان الواحد يدفع اشتراك كام شهر مع بعض وياخد مثلهم مجانا ممكن ادفع 3 شهور واخد 3 شهور مجانا او 6 اشهر واخد زيهم مجانا هى عندهم بس مشكلة صغيرة بتمنى انهم يحسنوا خدمة العملاء لانى لما بتحصل عندى مشكلة وبتصل بيهم على التليفون الارضى بتبقى فى رسالة مسجلة بترد عليا وبستنى فترة كبيرة لما اى حد من خدمة العملاء يرد ساعات كانت بتوصل انى اكون منتظر لربع ساعة على التليفون . بس الشركة وسرعة النت كويسة ونادر لما بتحصل مشاكل عندهم

Moustafa Gohar

شركه كويسه بالنسبه لباقى الشركات بس اتمنى ان سرعه التحميل عندها تكون ثابته يعنى الصبح زى بالليل عشان بلاحظ ان الصبح بدرى بيكون التحميل عندى تمام ولكن بالليل بيكون التحميل بنص امكانيات اشتراكى. بصراحه انا مشترك معاهم بقالى حوالى 4 سنين ولم تظهر المشكله دى الا من 6 شهور بعد العروض الجديده بس بصراحه عندهم اكبر ميزه بالنسبه ليا وهى الالعاب الاون لاين وبالاخص لعبه الشطرنج اللى متنفعش تدخل عليها الا لما تكون اشتراكك لينك وكان خدمه ارسال الرسائل المجانيه ببلاش وكمان برقم موبايلى وعندها على النت اكتر من موقع متميز كل البرامج الرياضيه بتنقل منه الاخبار وهو موقع يلا كوره بالاضافه الى مصراوى وانا فاكر لما كان فيه خط نت عالمى متوصل لمصر كان انقطع كنت بدخل على هذه المواقع فى الوقت اللى مكنش يعرف حد من مشتركى الشركات الاخرى انه يشاهدهما ودى كانت ميزه ليا.

Ahmed Saber

بصراحه يا جماعه انا الشركه دى فى نظرى من افضل الشركات اللى فى مصر لانى مشترك فيها من زمان اوى وليا الشرف انى اكون عميل فيها وفى اى وقت بطلب اى استفسار بلاقى الرد بكل ادب وبكل احترام وبيفيدوا المتصل واحلى حاجه فيها ان ليهم مكان فى كل الجمهوريه للدفع لذلك انا مرتاح وانا فى لينك ومش هغير ابدا وبرشح لاى حد حابب انه يشترك يبقى من لينك لانها فى نظرى من اروع الشركات وكمان اللى بيميزها خدمة العملاء واسلوبهم الجميل وادبهم وبحترم فيهم الاسلوب البسيط اللى لو طلبت منهم اى حاجه اكيد هيساعدونى ولازم يفكرونى بالفاتوره قبل معاد دفعها ب3 ايام عشان اعمل حسابى للفلوس انا مبسوط اوى لانضمامى فى الشركه دى.

Ehab Wassily

من فترة طويلة وقبل التطور في حركة الاتصالات كنت بأخش على الإنترنيت من خلال بعض الشركات عن طريق رقم تليفون وكان دة طبعا يتسبب في إن الخط دائما مشغول وكان بيعمل قلق في البيت كلة غبر طبعا التكلفة العالية بطأ في التحميل والأتصال لحد من فترة سمعنا على خدمة الASDL وعروض التعاقد المختلفة من حيث السرعات المقدمة طبعا السعر كان غالى شوية لكن كانت لها مميزات تانى كثير زى السرعة المهم إن التليفون مش بيكون مشغول على طول دورنا وبحثنا في الشركات اللي بتقدم الخدمة ووصلن لأن شركة Link من أحسن الشركات في السوق وتم التعاقد على اقل سرعة في العروض وكانت 126 ومع الوقت بدأت الشركة تقدم تخفيضات على أسعار الاشتراك وبدأنا نزود السرعة كل فترة ومع مرور قدمت الشركة عروض مختلفة زى أدفع مقدم 3 شهور أو 6 أشهر أو سنة وتأخذ مثلهم مجاني وبعد كثرة المشتركين عرضت الشركة عرض هايل وهو أما يتم مضاعفة السرعة بنفس السعر أو خصم 50% على الاشتراك بنفس السرعة وطبعا كل واحد اختار العرض المناسب لأستخدامة وأحن لسة في انتظار العروض الجديدة.

Mohamed Adly

كانت حلوة بس بعد ما دخلت موبينيل مش عارف حاسس انى مافيش اهتمام بالخدمة وعلى ما اظن ان الخدمة راحت كلها للعملاء الجدد ولم الفلوس والقدامى يضربوا راسهم فى الحيط ياخسارة كانت احسن شركة فى مصر ارجوا عدم الزعل منى ده رأيى.

Sameh Samir

انا مشترك فى لينك بقالى4 سنين ومرتاح جدا جدا فى اشتراكى معاهم لان لينك شركة محترمة. النت مش بيقطع خالص خالص حتى لما باجى مدفعش الاشتراك بتاعى بيفضل شغال لحد مايكلمونى ويقولولى اخر معاد ليا امتى وكمان لو عايز يبعتولى مندوب لحد البيت او اى مكان انا فيه عشان ادفع الاشتراك وده مقابل رسوم بسيطة بالمقارنة بلو اخدت تاكسى ورحت الفرع عشان ادفع. وكمان دلوقتى ممكن ادفع من خلال الكريدت كارد بتاعى من على الانترنت. لينك خدمة عملائهم ممتازة اوى اوى سواء فى الدعم الفنى او فى خدمة العملاء بصفة عامة حتى لما كان عندى مشكلة فى الروتر بتاعى رحت الفرع وهناك حلولى المشكلة وصلحت الروتر بدون اى رسوم مع انى مش واخدو منهم وكان تعاملهم جميل اوى اوى والناس هناك متعاونة جدا ولما روحت هناك عشان ادفع الفاتورة بتاعتى مكان الانتظار مريج ومكيف وكبير وكمان نظام الانتظار الرقمى مش بيخلى الواحد يشعر باى زحمة. لينك دلوقتى بتنزل عروض كويسة اوى زى عرض مضاعفة السرعة عند الدفع مقدما انترنت يو اس بى ب 99 ج وكمان من خلال موقعهم ممكن تنزل برنامج لينك جارد وده برنامج مجانى عشان الفيروسات وعشان حماية جهازك من اى ملفات تجسس او تطفل. لينك ممتازة اوى انا بس نفسى اشوفها متواجدة فى كل الاماكن والمعارض والمحلات الكبيرة عشان كل الناس تعرف ايه هى لينك.