Peace Abou Zeid

Motaz Bellah Hesham

بيس ابو زيد من افضل محلات الاسماك اللى موجودة في مصر على الاطلاق، مطعم سياحي فاخر من الدرجة الاولى، افضل حاجة في بيس ابو زيد هو انه دورين والدور التاني بتبقى قاعد في الهواء الطلق وشايف شارع الهرم بالكامل وبيبقى لذيذ جدا، السمك عندهم تحفة وخصوصا الفيليه والبلطي والستاف اللى هناك محترمين جدا، من الحاجات الحلوة اللى هناك برده الشاي والشيشة والحلو زي البطيج وام على، برضه من الحجات اللى بتميز المطعم ده هو انه في افضل مناطق الهرم بجوار الاهرامات وعلى مدخل الرماية ومش بلاقي اي معاناة في ركنة العربية لان هناك فيه اكتر من شارع جانبي فاضيين، المطعم على اعلى مستوى من النظافة، الاسعار ممتازة، صراحة مطعم لا ينقصه شىء وانصح كل الناس بتجربته.

Rehab Mohammed

من المطاعم اللى بحبها جداا قدام الهرم اكله حلو جدااا و اسعاره رخيصه جداا و الخدمه فيه سريعه و الاستف هناك دمه خفيف . احسن حاجه هناك بكلها السمك الستيك مع السلطه الخضراء و عندهم بقى ست بتخبز العيش الفلاحى طعمه تحفة مش هتلاقيه الا عند ابو زيد و بس كمان اكلت عنده ميكس جريل ( كباب و كفته ) حلو بس تقريبا اللحم اللى بيستخدمه لحم مستورد مش بلدى لان ساعات اللحم بيكون طعمه مش حلو اووى بس الكفته عندهم حلوة اووى و بعدين بيقدملك بعد الغدا الحلو ممكن فاكهة او قطعة جاتو . المكان يقدر اى حد يوصله بسرعه لانه دقيقتين من ميدان الرمايه.