Smiley's Grill

محمود ناجى نصرالدين محمد

سلسلة مطاعم سمايلز جريل من افضل واشهر مطاعم التيك اواى فى مصر. المطعم ده جامد جدا فى كل حاجة . المطعم ده له فروع كتير منتشرة فى مناطقة متنوعة. وكمان المحل ديما بيختار فروعه فى اماكن متميزة.اما بقى لما نتكلم عن الاكل بتاعه فالاكل بتاعة رائع جدا وطعمه لذيذ اوى وكمان بيقدم مجموعة متنوعة من السندوتشات اللى بتناسب كل الاحتياجات .انا اكتر حاجة بحب اكلها من عنده البرجر والجمبرى . اما بقى اسعاره فديه احسن حاجة فيه ارخص من اى محل تانى بيعمل فى نفس المجال.وكمان الخدمة هناك متميزة جدا . وكمان المحل نظيف جدا وطبعا النظافة اهم حاجة فى المطاعم . بجد لازم تجربوا سمايلز جريل .

Motaz Bellah Hesham

سمايلز جريل من المطاعم التيك اواى الناجحة جدا في رايي وده لانه متوافر فيه كل شروط مطعم التيك اواى الناجح زي مثلا: النظافة ودي هناك احسن حاجة لان معظم مطاعم التيك اواى مش بنفس درجة نظافة سمايلز جريل، الاكل جوة حلو جدا وفيه تقريبا كل انواع الساندوتشات من برجر وطاووك وجمبري يعنى تقريبا المينيو فيها كل ساندوتشات التيك اواى، اسعاره كويسة جدا انا فاكر جبت مرة كومبو برجر مع بطاطس وبيبسي كان بحوالى 27 جنيه والوجبة كانت فعلا كومبو، بالنسبة للستاف فهو محترم اوى اوى، عيبه انه مفيش ركنة قدامه للاسف، وغير كدة انا شايف ان الدعاية نقصاه الى حد ما وياريت ادارة سمايلز جريل تحاول تزود الدعاية، ولكن انا شايف انه من انجح مطاعم التيك اواى.

Mohamed Salah Salah Mahmoud

محل جميل للساندوتشات والاكل السريع واسعاره مناسبة جدا وساندوتشاته متنوعة وكتيرة تقدر تختار منها اللي يناسبك سواء كانت ساندوتشات لحوم او فراخ او سي فوود. الطعم كمان جميل اوي ووجبات الكومبو عندهم حلوة وموفره والجميل في الموضوع ان الاوردر مش بيتأخر والمطعم دايما بيكون هادي ومش زحمه زي معظم مطاعم الفاست فوود.

Sharona McLeod

Great sandwiches and panini. You wouldn't know you're eating fast food, it's prepared fresh when you order and the menu is big and varied. They use some interesting spices and combinations that are quite original tasting. Easy parking as well.