Sports Cafe

Pola Adel

عمري ما هنسي المرة الوحيدة اللي رحت فيها الكافيه الخرافي ده !! كان ماتش برشلونة و ريال مدريد و اصحابي خدوني للكافيه ده عشان بالنسبالهم اجمل مكان علي الاطلاق لو هتتفرج علي ماتش !! هناك انا استمتعت اكتر بصراحة من جو الكافيه الحميم جدا ... و ونس فظيع من الناس اللي حواليك اللي قاعدة تشجع ... كان نفسي يومها الماتش ميخلصش من جمال المكان و ناسه و الونس اللي موجود هناك في الكافيه خصوصا لو كان يوم ماتش ... اسعاره مش عالية و مش رخيصة ... بس بجد مفيش فلوس تكتر علي مكان حسيت فيه بأنك مبسوط بجد .. سبورتس كافيه من احلي الكافيهات اللي دخلتها فعلا

Mohamed Rezq

مكان محترم وبيدي موضوع الرياضه حقها فعلا بحيث انك وانت قاعد فيه هتلاقي انه مفيش مشكله في المشاهده لانه كل حيطه عليها شاشه كيره تقدر تتابع عليها المباراه من غير ازعاج ولا تقول لحد يقوم من قدامك والجميل في المكان انك اللي انت عايزه تلاقيه من ناحية مباريات كرة القدم في كل دوريات اوروبا او كاس العالم او افريقيا وحتى مباريات الاهلي والزمالك الناس بتروح المكان ده عشان بيبقى جو رائع وتحس انك في الاستاد مع الفرق للافضل طبعا بس المشكله انه لما يكون مفيش ماتشات لازم برضه تدفع الحد الادنى للمشاريب يعني ممكن تاخد بالباقي علب كانز وانت ماشي او تسيبهم جدعنه للي موجودين فياريت يقللو الحد الادنى شويه.

Mostafa Abd ElRahman

مكانة متميز قعدة حلوة اوى جو جامد و خصوصا ايام الماتشات و البطولات و المباريات المهمة و يمتاز انك فى ستاد خمس نجوم التشجيع فى كل حتة وفى كل وقت و قد ذهبت شخصيا فى اثناء كاس الامم الافريقية الاخيرة و كان الجو حميميا و كان الناس فى تشجيع من قبل المباراة الى بعدها و قبل المباراة يعطون ورقة لكل واحد فى الكافية مخصصة للتوقعات و فى حالة ان توقعت النتيجة الصحيحة لك مشروب مجانا و يعطوك المايك و يسالوك امام الجميع لماذا توقعت هذا التوقع و هذا لا يحدث الا فى المباريات المهمة و التشجيع بيبقى جامد و اى مباراة فى اى بطولة بتشتغل فى الكافية سواء فى الدوريات الاوربية و البطولات المجمعة او الدورى المصرى اما المكان فبيكون مزدحم فى مباريات الاهلى و الزمالك او مباريات المنتخب او مباريات الدربى كابرشلونة و ريال مدريد اما السيارات فلا مكان لها على الاطلاق و هى مشكلة و الناس يركنون السيارة بعيدا ثم يسيرون على اقدامهم و انا منهم