Timberland

Ahmed Saber

بصوا بقة يا جماعه الماركه دى والله انا بحترمها جدا لانها من افضل الماركات العالميه فى كل منتجاتها سواء كانت احذيه او ملابس بجد فخور بيها جدا ويمكن اغلبيه لبسى منها انا افتكر حاجه كنت جايبها من مكان معين بدون ذكره واشتريت سوى تيشرت منه من الماركه دى واهو بقاله معايا اكتر من خمس سنين ولسه كأنه جديد ده ان دل فأنه بيدل على جوده منتجاتها وروعتها وبالنسبه للاسعار فهى اسعار مناسبه جدا لكل الناس بصراحه ماركه تستحق الاحترام لثبات جدارتها فى السوق المصرى والعالمى ويكفى انها تكون شركه عالميه وانا بتعامل معاها ده بيدينى ثقه فى اختياراتى لما بختار حاجه وتبقى تيمبرلاند.

Marium Mohamed

لما بعوز اجيب ل بابايا حاجة او هدية بروح تمبرلاند. كل حاجة عندهم شيك وعملية جدا وبتناسب كل الاذواق. صحيح هوه غالى شوية بس كل مليم بتدفعه هناك بجد استثمار لان الهدوم والجزم بتاعتهم بجد بتعيش كتير اوى وبتفضل محتفظه برونقها وجمالها. اكتر حاجة المحل ده مشهور بيها هيه بوت تمبرلاند اللى سعره 1095. تمبرلاند مشهورة اساسا بملابس الرحلات والاستكشافات وده اصلا باين جدا من ديكور المحل اللى بيحسسك انك فى الغابات او السفارى. المحل بيقدم بردوه جزم كلاسيك جلد وكوتشيات وقمصان كتان وكمان بنطلونات جينز وشورتات وغيرها كتير بجد كل حاجة تستاهل ثمنها والخامة جامدة جدا.